المالكي يبلغ طالباني بقرب انفراج أزمة تشكيل الحكومة    »   ارتفاع في رصيد المالكي بقبول صدري "تحت الاختبار" وتهديد بخطوط حمر ومقاطعة من العراقية    »   صحيفة الحقيقه في العراق ستظهر لكم بحلتها الجديده    »   دولة القانون يؤكد استمرار المفاوضات مع العراقية للوصول الى حلول مشتركة    »   وثيقة بتحويل أكثر من ثمانية ملايين دولار من وزارة التجارة الى حسابات شخصية في ايطاليا    »   جلال الدين الصغير :الحكومة ومجالس الرئاسة وجميع الوزراء التنفيذيين هم موظفون لتصريف أعمال الدولة    »   ارتفاع شهداء حريق فندق في شمال العراق الى 40 شخصا    »   التطورات الامنية في العراق يوم الخميس    »   القوات الأميركية سلمت 62 مسؤولا في نظام صدام حسين بينهم طارق عزيز للسلطات العراقية    »   دولة القانون: تقاربنا مع العراقية لا يعني انهيار التحالف الوطني    »   

القائمة الرئيسية



















تسجيل دخول الكتّاب

المستخدم
كلمة المرور

إرسال البيانات؟
تفعيل الاشتراك

محرك البحث

 



بحث متقدم

الأخطبــــــــوط.. وحكومة حجي حطحـــــوط..بقلم :الشاعر احمد الياسري

 Read In English...

طبعا بداية احب اهني كل محبي المنتخب الاسباني بمناسبة فوزه المستحق ببطولة العالم والحقيقة اثبت المنتخب الاسباني انه افضل فريق بالعالم حاليا للعروض الكبيرة الي قدمها بالمونديال
والي يعتقد ان المونديال ضعف مستواه من طلعت فرنسا وايطاليا واطلقوا عليه تسمية مونديال الصغار اكوله انت غلطان ..لان هذا المونديال كل الي صعدوا بي كانوا كبار ويستحقون الاحترام واني شخصيا اطلقت عليه مونديال الكبار جدا ..او مونديال النهائيات المبكرة لأن كان مونديال ندي وفيه منافسة قوية لم تحسم نتيجته الى ما بعد الدقيقة تسعين من المباراة النهائية ..حتى وقت المباراة النهائية ما كًدر يحسم هيئة وشكل البطل لان كل الفرق كانت فرق ابطال ..المانيا تستحق الكاس وهولندا كذلك واسبانيا والبرازيل والارجنتين كل هذه الفرق كانت تستحق ان تكون بطلة العالم بس اسبانيا اثبتت انها الاجدر بحمل هذا الكاس مو نتيجة للعبها النظيف فقط ولكن نتيجة لثبات مستواها خلال السنوات الماضية سواء ببطولة اوربا او بالتصفيات المؤهلة او بكأس العالم الحالي الي فعلا اثبت ان الكرة الاسبانية كرة عالمية بكل المقاييس شكرا لمنتخب اسبانيا لِأنه فعلا خلانه نتمتع بعروض حلوة ولو اعرف اسباني الله وكيلكم جان كتبت قصيدة بالاسباني اهديها لكل لاعبي المنتخب الاسباني .بس اكو شي ثاني كان مميز بهذا المونديال وهو دخول الاخطبوط بول على خط المنافسة وهذا الاخطبوط طركاعته طركاعه مااتوقع نتيجة الا وصارت واخرها المباراة النهائية العالم كلها كالت هولندا راح تفوز بس الاخطبوط كال اسبانيا وبالفعل فازت اسبانيا بفضل الاخطبوط .







حجي حطحوط ايضا فتاح فال من اهل بغداد بعد نجاح الاخطبوط بتوقع نتائج مباريات كأس العالم كثرت زيارة السياسيين والظاهر مشه سوكًه بعد كأس العالم و ايمانا بالفتاح فالية العالمية التي سيطرت على كل الشاشات وعلى كل العقول ..كذلك لأن حجي حطحوط نفس والوزن والقافية وي الاخطبوط فالسياسيين العراقيين خصوصا الاخوة في دولة القانون  جلبوا بركبته كلساع اشلونك حجي حطحوط ...اشلون صحتك حجي  ؟ بالله بروح ابيك ما تشوفنا منو الراح يصير رئيس الوزراء القادم علاوي لو المالكي ؟فصفن عليهم حطحوط كالهم بوية ..تحجون صدك جذب الحكومة هاي جدامي جاي اشوفها رئاسة الوزراء للسيد المالكي ..طلعوا الاخوة بدولة القانون من يم حجي حطحوط بعد ان اخذ المقسوم منهم دخل وفد من القائمة العراقية ..حجي حطحوط الله يساعدك اغاتي .. اهلا وسهلا بيكم بوية ..ياهله بجماعة الدكتور علاوي . حجي باعتبارك الاخطبوط بول مال العراق ما تشوفلنه منو رئيس الوزراء القادم ..صفن عليهم حطحوط كالهم بوية صدك جذب القضية محسومة رئيس الوزراء القادم الدكتور اياد علاوي ما يرادلها لا تفكير ولا فتاح فالية هاي جاي اشوفها جدامي ..طلع وفد العراقية بعد ان اخذ حطحوط منهم المقسوم ولسان حاله ايييي الحمدلله والشكر واخيرا حصلنا شي من السياسيين العراقيين على الاقل فلوس الفتاح فالية وذلك اضعف الايمان .



مرت الايام وطلع الكلام مال حطحوط وتوقعاته كلها خرط ..بعد ان عجزت حتى الملائكة بمساعدة السياسيين العراقيين بتشكيل الحكومة وعجزت ايضا الحكومةالاميريكيةودول المنطقة يعني اصتوروا اخواني حتى الدول الاقليمية الي عدها عملاء بالدولة هم ضاجت من عملائها لأن ما بيهم خير يشكلون حكومة ..فقرر السياسيين العراقيين يرحون لاوربا ويزورون الاخطبوط بول الاصلي وبالفعل راح وفد من قائمة دولة القانون ووفد اخر من  القائمة العراقية وصلوا الى المكان الموجود بي الاخطبوط بول ..جابوا صورة للمالكي خلوها بصندوق وجابوا صورة  لعلاوي خلوها بصندوق ثاني ونزلوا لاخطبوط على الصناديق  ..يردون يشوفونه وكتبولة رسالة بالألماني خلوها يم الصناديق مكتوب بيها (عيني  اخطبوط بول لخاطر الله سويلنه جاره وحلنه مشكلة تشكيل الوزارة المالكي لو علاوي كوللنا وفضها يمعود ؟)



نزلوا الاخطبوط بول بالماي كالعادة وقبل لا ياشر على صورة المالكي لو صورة علاوي قرة الرسالة من الاحزاب السياسية  وكام يضحك وبعد ذلك مباشرة  طلع راسة من الحوض وتكلم مع السياسيين ( ادري انتم لوتية العالم كله ما كدر يعرف شلون تتشكل الحكومةالعراقية ومنو رئيس الوزراء القادم اميركا بزرها  لحد الان ما مفتهمة الموضوع تردون تذبوها براسي عمي لموا اجوالاتكم وردوا لهلكم اني كلشي اتوقع اجيبه صح بس هذا التوقع لا ينجاب ولا اكدر اجيبه روحوا جفوني شركم بويه ) وبالفعل بعد ان انهى الاخطبوط بول خطبته العصماء نزل بالماي وطلع مسدس من جيبه وضرب نفسه طلقه وانتحر لفشله بالتوقع ولأن سمعته خربت بعد محد يثق فكالك انتحر احسن .لأن انكطع رزقه بسبب السياسيين العراقيين



عيني السياسيين عفية ارجعوا لحجي حطحوط وعوفوا الاخطبوط المسكين بحاله لأن حكومة حجي حطحوط ما يفيد وياها مليون اخطبوط ..انشوفكم العدد القادم اذا عدلين

 

 



المشاركة السابقة : المشاركة التالية


اللقاء الذي أجرته صحيفة الحقيقه في العراق مع الاستاذ شريف الشامي        الاستاذ علي الاديب عضو مجلس النواب والقيادي في حزب الدعوه الاسلامي متحدثاً للحقيقه في العراق        الاستاذ عبد الخالق زنكنة، عضو البرلمان العراقي        السيده ساميه عزيز عضوة مجلس النواب العراقي        السيده مريم لموقع الحقيقه في العراق        الآستاذ هادي العامري        السيدة ميسون الدملوجي        الدكتور علي العقابي        الصحفي فائق العقابي        السيد رئيس الوزراء السابق الدكتور أبراهيم الجعفري        

اقرأ هذا اليوم


جميع الحقوق محفوظة © موقع الحقيقة في العراق 2008
Copyright © For FACTINIRAQ.COM 2008 - Powered By ARABPORTAL 2.1 - Designed & Developed By ROWAFID.COM
لا مانع من النسخ أو الاقتباس شريطة ذكر المصدر